អំពើអនីត្យានុកូល គឺជារបបឲ្យសងនូវសំណងនៃការខូចខាត ក្នុងករណីដែលបានបំពាននូវសិទ្ធិ ឬផលប្រយោជន៍របស់អ្នកដទៃដោយខុសច្បាប់ ដោយកំហុសអចេតនាឬអចេតនា។ ដូចនេះបុគ្គលដែល សិទ្ធិឬផលប្រយោជន៍របស់ខ្លួនត្រូវបានបំពាន មានសិទ្ធិទាមទារសំណងចំពោះចារី។
ឧទារហរណ៍៖ ក្នុងរឿងគ្រោះថ្នាក់ចរាចរណ៍ ក បានបើកឡានទៅបុកផ្ទះ ខ បណ្តាលឲ្យបាក់ទ្វារផ្ទះ។ ដូចនេះអំពើរបស់ ក ដែលបុកទ្វារផ្ទះ ខ ដែលបណ្តាលឲ្យមានការខូចខាតនោះគឺជាអំពើអនីត្យានុកូល ដូច្នេះ ខ មានសិទ្ធិទាមទារសំណងការខូចខាតពី ក វិញបាន។
អំពើអនីត្យានុកូលមានច្រើនយ៉ាងណាស់ ហើយមិនត្រឹមតែគ្រោះថ្នាក់ចរាចរណ៍ ឬបង្ខូចបរិស្ថាន ឬកំហុសក្នុងការព្យាបាលនោះទេ គឺនៅមានការបំពានលើផលចំណេញ (ការដណ្តើមអតិថិជនរបស់គេ) ការកាត់មុខយកកិច្ចសន្យាជាដើមផង។ ម្យ៉ាងទៀត កម្មវត្ថុនៃសំណងខូចខាត មិនត្រឹមត្រូវមានការខូចខាត ខាងទ្រព្យសម្បត្តិប៉ុណ្ណោះទេ មានរួមទាំងការខូចខាតខាងផ្លូវចិត្ត (ជម្ងឺចិត្ត) ផងដែរ។
No comments:
Post a Comment