ប្រវត្តិរូបសង្ខេប និង គ្រួសារ
លោក Thomas Robert Malthus កើតនៅថ្ងៃទី១៣ខែកុម្ភះ ឆ្នាំ១៧៦៦ នៅក្រុង Surrey ភាគខាងត្បូងទីក្រុងឡុងនៃប្រទេសអង់គ្លេស ។ គាត់កើតនៅក្នុងក្រុមគ្រួសារដែលមានភាពរុងរឿង និង មានជីវភាពធូរធារ។ ឪពុកម្ដាយរបស់ Malthus គឹលោក Daniel Malthus និង អ្នកស្រី Hanrietta Malthus។ គាត់មានបងប្អូន ៧ នាក់ដែលគាត់ជាកូនទី ៦។ នៅឆ្នាំ១៨០៤ Malthus បានរៀបការជាមួយបងប្អូនជីដូនមួយម្នាក់ឈ្មោះ Harriet Eckersall , ពួកគេមានកូន៣នាក់ គឺ Henry, Emily & Lucy ។គាត់បានស្លាប់នៅថ្ងៃទី២៣ ខែធ្នូ ឆ្នាំ១៨៣៤ ប៉ុន្តែទស្សនះរបស់គាត់នៅតែរស់រានមានជីវិតជានិច្ច។
ការសិក្សា និង ការងារ
ឪពុកគាត់ជាមិត្តភក្តិរបស់ David Hume (1712-1776) ហើយបានស្គាល់គ្នាជាមួយ Jean-Jacques Rousseau (1712-1778) ដែលជាអ្នកផ្តល់ការអប់រំឲ្យ Thomas Robert Malthus នៅផ្ទះ រហូតដល់អាយុ ១០ឆ្នាំ។ បន្ទាប់ពី ការបន្តការសិក្សានៅ Claverton Rectory អស់រយៈពេល ៦ឆ្នាំ នៅក្នុងឆ្នាំ ១៧៨២ ដែលត្រូវនឹងអាយុ ១៦ឆ្នាំ Malthus ត្រូវបានឪពុករបស់លោក បញ្ជូនឲ្យទៅរៀន បន្ថែមនៅ Unitarian Gilbert Wakefield។ ពីរឆ្នាំក្រោយមក លោកក៏បានចុះឈ្មោះរៀននៅមហាវិទ្យាល័យ Jesus ក្នុង សាកលវិទ្យាល័យ Cambridge គឺជាកន្លែងដែលគាត់សិក្សាភាសាបុរាណ និង គណិតវិទ្យា ហើយទទួលបានបរិញ្ញាប័ត្រនៅឆ្នាំ ១៧៨៨ និង អនុបណ្ឌិតនៅឆ្នាំ១៧៩១។
លោក Malthus បានក្លាយជាគ្រូបង្រៀននៅមហាវិទ្យា Jesus នៅឆ្នាំ ១៧៩៣ ។ នៅឆ្នាំ១៧៩៧ គាត់ក្លាយជាអ្នកបួសមួយរូបនៅវិហារ Angkcan និងមានប្រជាជនគោរព និងប្រតិបត្តិតាមគាត់ជាច្រើន។ ឆ្នាំ១៨០៥ Malthus ត្រូវបានគេចាត់ទុកជាសាស្រ្តាចារ្យប្រវត្តិវិទ្យា និង នយោបាយសេដ្ឋកិច្ច ក្នុងប្រទេសអង់គ្លេសនៅមហាវិទ្យាល័យក្រុមហ៊ុនឥណ្ឌាខាងកើតក្នុងរដ្ឋ Haileybury ។ គាត់មានប្រជាប្រិយណាស់ជាមួយសិស្សរបស់គាត់ ហើយពួកគេបានដាក់ងារគាត់ថា Pop ។ ការងារនេះជាការងារមួយដែល លោកធ្វើរហូតដល់ថ្ងៃទទួលមរណភាព។
ក្នុងពេលជាមួយគ្នានេះផងដែរ ក្រៅពីការងារជាសាស្ត្រាចារ្យ ក្នុងឆ្នាំ១៨១៩ Malthus ត្រូវបានជាប់ឆ្នោតធ្វើក្រុមយុវជននៃ Royal Society ហើយ ពីរឆ្នាំក្រោយមកគាត់បានក្លាយជាសមាជិកមួយរូបនៃក្លឺប នយោបាយសេដ្ឋកិច្ច ដែល រួមមាន David Ricardo និង James Mill សមាជិកផងដែរ។ ក្នុងឆ្នាំ១៨២៤ គាត់ត្រូវបានជ្រើសតាំងជាសមាជិកម្នាក់ក្នុងចំណោមសមាជិក១០រូប នៃវិទ្យាស្ថានសង្គមជាតិនៃអក្សរសាស្រ្ដ។ លើសពីនេះទៅទៀតMalthus ក៏ជាអ្នកចូលរួមបង្កើត វិទ្យាស្ថានសង្គមស្ថិតិនៃទីក្រុង London ក្នុងឆ្នាំ១៨៣៤។ ការងារដែលត្រូវបានគេទទួលស្គាល់ច្រើនបំផុតគឺ ជាអត្ថបទតែង ពី គោលការណ៏ប្រជាជន ដែលត្រូវបានបោះពុម្ពនៅក្នុងឆ្នាំ១៧៩៨ ។
ស្នាដៃ
នៅពេលដែលលោក Malthus មានអាយុ ៣២ ឆ្នាំ ពោលគឺនៅឆ្នាំ ១៧៩៨ លោកបានបោះពុម្ពនូវស្នាដៃរបស់លោក ដែលមានចំណងជើងថា «ការវិភាគលើគោលការណ៍នៃប្រជាជន principle of population, ឥទ្ធិពលរបស់វាទៅលើសង្គម រួមជាមួយការសង្កេតរបស់ លោក William Godwin និងអ្នកនិពន្ធដទៃទៀត។» ស្នាដៃនេះ ជាស្នាដៃដែលមានភាពល្បីល្បាញជាងគេរបស់លោក។
សៀវភៅរបស់លោកសិក្សាទៅលើករណី ២គឺ
- ទី១ គោលការណ៍ប្រជាជន
មានន័យថា ប្រជាជនមានកំណើនដោយប្រៀបធៀបទៅនឹងស្វីតធរណីមាត្រ។ ហើយធនធានវាកើនឡើង ដូចទៅនឹងស្វីតនពន្ធ។ គាត់បានពន្យល់ថា ចាប់តាំងពីបដិវត្តិឧស្សាហកម្មមក កំណើនសេដ្ឋកិច្ចមានការកើនឡើងគួរអោយ កត់សម្គាល់. គាត់បានបញ្ជាក់ថា នាសម័យនោះ ដោយសារសេដ្ឋកិច្ចមានការកើនឡើង ហើយចំនួនប្រជាជនមិនទាន់មានកំណើននៅឡើយ គឺគ្មានការខ្វះខាតស្បៀងអាហារឡើយ។ កំណើនប្រជាជនកើនឡើង ជាស្វីតធរណីមាត្រ នៅរយៈពេលឆ្នាំ 25 ឆ្នាំម្តង។ យើងសង្កេតឃើញ ថា ប្រភពធនធានមានការខ្វះខាតដោយសារតែកំណើនប្រជាជន។ អ្វីដែលសំខាន់នោះគឺថា នៅក្នុងអំឡុងពេល បដិវត្តន៍ឧស្សាហកម្ម គាត់បានធ្វើការប្រៀបធៀប ចំពោះវណ្ណៈកម្មករ។ គាត់បានពន្យល់ថា ចំពោះវណ្ណៈនេះ គឺតម្រូវការមានការខ្វះខាតដែលមិនអនុញ្ញាតិអោយចិញ្ជឹមកូនបាន។
- ទី ២ គោលការណ៍នៃការទាមទារដ៍ចាំបាច់
មានន័យថា ម៉ាល់ទុសយកចិត្តទុកដាក់លើតម្រូវការរបស់អ្នកមាន និងអ្នកក្រក្នុងការ ចិញ្ចឹមក្រពះ។ អ្នកមានអាចមានលទ្ធភាពក្នុងការចាយវាយទៅតាមអំណាចលុយកាក់របស់ខ្លួន។ គាត់បានធ្វើការ ប្រៀបធៀបរវាង ការសន្សំ និងការចាយវាយខ្ជះខ្ជាយ។អំណាចក្នុងការទិញ របស់វណ្ណៈ ថ្នាក់កម្មករត្រូវបានកម្រិត។ប្រៀបធៀបផលិតផលដែលបានផលិត និងតម្រូវការចាំបាច់ ដែលត្រូវការ។ មានន័យថា ប្រសិនបើផលិតផលដែលផលិតឡើង តែគ្នានអ្នកទិញ នោះគឺយើង ឃើញថា ការផលិតនោះមានការកើនឡើងឥតប្រយោជន៍ ដោយវាមិនឆ្លើយតបទៅនឹងតម្រូវការ ចាំបាច់របស់ប្រជាជន។
 |
| ក្រាហ្វិចតាងឲ្យកំណើនប្រជាជន និង កំណើនម្ហូបអាហារ |
បន្ទាប់ពី ការចេញផ្សាយ អត្ថបទដែលនិយាយអំពី គោលការណ៍នៃប្រជាជននេះហើយ លោក Malthus នៅតែបន្តធ្វើការកែសំរួល និង បន្ថែមអត្ថន័យ រួចបោះពុម្ភផ្សាយជាច្រើនលើក ច្រើនសារ តួយ៉ាងក្នុងឆ្នាំ ១៨០៣ ១៨០៦ ១៨០៧ ១៨០៩ ១៨១៧ និង១៨២៦។
ក្រៅពីស្នាដៃនេះ លោកមានសម្មិតផលមូយ ដែលហៅថា គោលការណ៍នៃនយោបាយសេដ្ឋកិច្ច (Principle of Political Economy) នៅឆ្នាំ ១៨២០។ នៅឆ្នាំ ១៨៣៤ លោកក៏បានសរសេរកថាខណ្ឌ ស្តីពីច្បាប់ក្រីក្រថ្មី( New Poor Law) ដែលជាស្នាដៃចុងក្រោយរបស់លោក មុនពេលទទួលមរណភាពនៅ ៤ខែបន្ទាប់ គឺ ១៩ ធ្នូ ១៨៣៤។
 |
| Thomas Robert Malthus |
No comments:
Post a Comment